دانلود آهنگ جدید داوود محمدی نیا به نام رود

دانلود آهنگ جدید داوود محمدی نیا به نام رود

Download Music Davood Mohammadinia Called Rood

دانلود آهنگ رود از داوود محمدی نیا با کیفیت ۳۲۰ و ۱۲۸ به همراه متن ترانه و پخش آنلاین موزیک از سی روز موزیک

متن اهنگ رود داوود محمدی نیا

─── ︴ ♪♪♩♩♩♪♪︴ ───

دِلُم تَش ایزنه سی دیدن رودُم
چراغ حونَمون سوهده، شَوِ تاره
خدا خَو بُردِسه اصلا دیارس نی
ولی هر شَو اَلازَنگی که بیداره

دلم تش ایزنه سی دیدن رودم
غمم سنگینیِ برف زمستونه
زمونه کور و پیرم کرد یه روزه
نپرسین حال و روزت سیچه داغونه

غریوم وا خوم و وا هر چه ایبینُم
وِ ای شَوگارِ سردرگُم، گرفتارُم
دلم خوش بید و دنیا سیم شیرین بی
ولی حالا ندونُم که دلی دارُم

دلم تش ایزنه سی دیدن رودم
ندونم آخر دنیا چه ایبوهه
ندونم باز هم ایبینُمِس یا نه
بِوین دنیا چقد نامرد و بی روحه

مو خوم دونم که دنیا بی تو دنیا نی
مو خوم دونم ز ایلم بخت وَرگَشته
مو خوم دیدُم که کُشتن کَوگِ تارازه
مو خوم دیدم گِریوه کوه مُنگَشته

مو خوم دونُم دماوند جای شاهین نی
پَرِ سیمرغ زی تر تَش نهادِن رَه
سر خاکِ بزرگون شیر سنگی هِد
کسی دونه بزرگینه هده یا نه!؟

مو خوم دونم بلیطی خشک و بی سایم
ز دست بادِری گُردَم تِرَک خَرده
مو کارون پُرِ زخمم که جا دریا
وِ مینِ طالعم کوه نمک خرده

تو نیدی مَه گُروسِسته ز دستِ شو
دیه اَفتو نیا، رَهنه بِلا کرده
بِسوسه خوس نَوینه داغِ رودونِس
مونه هر کی وِ ای غم مبتلا کرده

تو نیدی شیت و شاتی نی، بلالی نی
تو نیدی بعد تو شَو زنده دارن سیت
تمومِ شهر کفتارا غُرق کردن
بگو ایلت تفنگانه دِرارِن سیت

تو نیدی دلخوشی نی، زنده ای مُرده
تونیدی غم گِرِهده گیلِ چوخامه
تو نیدی هیشکی هم وادیارم نی
تو نیدی آسمون شَه کرده دنیامه

تو نیدی وا خیالت ایزنم وا سر
گودی جا مو درختینه بکارین سیم
مو خوم دیدیم که دُرگَل پَل بُریدن سیت
دلم تش ایزنه پَه یخ بیارین سیم

تیاته خَو گِره، لالای لالایی
وِ جفت تخت خواوِت بچه دیو ایگو
بوین داغت چقد سخته که جا تَم تی
الازنگی نشست و گاگِریو ایگو

─── ︴ ♪♪♩♩♩♪♪︴ ───